اردو ٹائپ کرنے میں دشواری ہے ؟
دل_بیتاب کے ہم_راہ سفر میں رہنا
شاعر:احمد جاوید
ذریعہ : ریختہ
سوانگ بھرنا کبھی شاہی کبھی درویشی کا
کسی صورت سے مجھے اس کی نظر میں رہنا
دن میں ہے فکر پس اندازی سرمایۂ شب
رات بھر کاوش سامان سحر میں رہنا
دل سے بھاگے تو لیا دیدۂ تر نے گویا
آگ سے بچ کے نکلنا تو بھنور میں رہنا
کر چکا ہے کوئی افلاک و زمیں کی تکمیل
پھر بھی ہر آن مجھے عرض ہنر میں رہنا
دل_بے_تاب کو کب وصل کا یارا ہوتا
شاعر:یگانہ چنگیزی
شب غم زہر ہی کھانے کا مزہ تھا ورنہ
انتظار سحر وصل نے مارا ہوتا
شب ہجراں کی بلا ٹالے نہیں ٹلتی ہے
بھور کر دیتے اگر زور ہمارا ہوتا
سر جھکائے تری امید پہ بیٹھے ہیں ہم
قاتل اس بار امانت کو اتارا ہوتا
نگہ لطف سے محروم ہوں اب تک ساقی
صف آخر کی طرف بھی اک اشارا ہوتا
یاس اب آپ کہاں اور کہاں بانگ جرس
کون اس وادئ غربت میں تمہارا ہوتا
صورت ظاہری اک پردۂ تاریک تھی یاسؔ
حسن معنی کا کن آنکھیوں سے نظارہ ہوتا
